Mini Route: Mäuchnou -> Kanada

16.05.26- Abflug Zürich Flughafe Richtig Kanada

13:25h geits für me los Richtig Toronto mit der Air Canada. Mini gröschti Sorge am Flughafe Zürich und ou vor em Umstige: Fingi ds richtige Gate ... u git's öppis Guets z Ässe im Flüger?

Vorfreud? - Riesig. Toronto, i chume!

Toronto: Die erschti Station in Kanada

Um 16:15h chumi z Toronto am Flughafe a, woni scho der nöchscht Flüger nime und nach Vancouer für witeri 6h 50min flüge. Um 20:39h chumi ändlich am Flughafe Vancouver a.

Burnaby - mis Deheim für die erschte 3 Wuche

Am Vancouver International Airport wirdi vo mire Ustuschorganisation abghout. Vo dört us geit’s no öppe e gueti Stung mit em Shuttlebus nach Burnaby zu mire Gaschtfamilie. Dört warte mini Gaschtmuetter, dr Gaschtvater, drü Gaschtgschwüschterti – und zwöi französischi Bulldogge – scho gspannt uf mi. D Familie nimmt scho sit über 20 Jahr Ustuuschschüeler bi sich uf, drum freu i mi bsunders uf die Zyt.

Faus öpper mi ou no wott cho bsueche 😄: I bi zfinde a dr Forest Street 5615 in Burnaby...

Der Inlandsflug zur Ranch

Vo mire Gaschtfamilie geit’s wieder zrugg zum Flughafe Vancouver. Mit em Flüger flügi vo Vancouver nach Edmonton und vo dört witer nach Wildwood – zu mim endgültige Ufenthaltsort: Dr Ranch.

Dört wirdi no füf Wuche lang mis nächsts Abentür erläbe und d Zyt uf dr Ranch voll gniesse.

D' Heimreis: Zrügg id Schwiz

Nach der Ranch wird ig am 11.07. mini Rückreis aträte und zersch mitem Inlandflug weder zrugg a Flughafe Vancouver. Vo däm Flughafe flüge weder a Flughafe Toronto zrugg und vo dört us geits när ufne letschte 8-stündige Flug Richtig Zürich.